सेयर बजारका सबै समूह घटे, नेप्से १९७२ अंकमा

काठमाडौं  फागुन १७ , साता कारोबारको अन्तिम दिन बिहीबार सेयर बजारको परिसूचक नेप्से १९७२ अंकमा झरेको छ । अघिल्लो दिनको तुलनामा नेप्से २८.६८ अंक (१.४३ प्रतिशत) घटेको हो । दिनभर कुल २ अर्ब ५९ करोड रुपैयाँको कारोबार भयो । अघिल्लो दिन २ अर्ब ३ करोडको कारोबार भएको थियो । कुल २२० कम्पनीको मूल्य घट्दा १७ को बढ्यो भने ११ को स्थिर रह्यो ।

सबै समूहका सूचक घटेका छन् । फाइनान्स समूह सबैभन्दा धेरै ३.२१ प्रतिशत घट्यो । बैंकिङ ०.८८, विकास बैंक १.६४, होटल तथा पर्यटन २.२७, हाइड्रोपावर २.६२, लगानी १.५३, जीवन बीमा १.३२, माइक्रोफाइनान्स १.२८, अन्य १.४६, उत्पादन ०.४६, निर्जीवन बीमा ०.७० र ब्यापार समूह २.५१ प्रतिशत घटे ।

बोटलर्स नेपाल बालाजुको मूल्य १० प्रतिशत बढ्यो । यसको मूल्य प्रतिकित्ता २१ हजार ६०५ रुपैयाँ १० पैसा पुगेको छ । त्यस्तै समाज लघुवित्तको ७.१८ प्रतिशत मूल्य बढ्यो भने बोटलर्स नेपाल तराईको ५.२९ प्रतिशत बढ्यो । मानुसी लघुवित्तको ३.९९, विशाल बजार कम्पनीको ३.३५, सिर्जनशील लघुवित्तको २.८९ प्रतिशत मूल्य बढ्यो ।

जोशी हाइड्रोपावरको मूल्य १० प्रतिशत घट्यो । अपर स्याङ्गे हाइड्रोपावरको ८.६, मोलुङ हाइड्रोपावरको ८, इङवा हाइड्रोपावरको ७.५ प्रतिशत मूल्य घट्यो । कारोबार रकमका आधारमा जोशी हाइड्रोपावर, सोनापुर सिमेन्ट, हिमालयन रिइन्स्योरेन्स, हाथवे इन्भेस्टमेन्ट कम्पनी र एसियन लाइफ इन्स्योरेन्स कम्पनी क्रमशः अगाडि रहे । अनलाइन खबर