आधारभूत तहमा महिला शिक्षकको सङ्ख्या पुरुषको भन्दा बढी

काठमाडौँ । नेपालमा महिला शिक्षकको सङ्ख्या बढ्दै गएको देखिएको छ । अर्थमन्त्री वर्षमान पुन अनन्तद्वारा आइतबार संघीय संसद्का दुवै सदनमा प्रस्तुत आर्थिक वर्ष २०८०/०८१ को आर्थिक सर्वेक्षणले उक्त तथ्य औँल्याएको हो ।

शैक्षिक सत्र २०८० मा आधारभूत तह कक्षा (१-५) मा महिला शिक्षकको सङ्ख्या ५४. १ प्रतिशत पुगेको छ । शैक्षिक सत्र ०७९ मा यो सङ्ख्या ४७.२ प्रतिशत थियो । एक वर्षको अवधिमा महिला शिक्षकको सङ्ख्यामा ७ प्रतिशतको वृद्धि भएको देखिएको छ ।

यद्यपि माध्यमिक तह (कक्षा ९-१२) मा भने महिला शिक्षकको सङ्ख्या कम छ । सो तहमा १९ प्रतिशत मात्र महिला शिक्षक रहेको तथ्याङ्कले देखाएको छ । रातोपाटी संवाददाता