७२ घण्टामै बिक्यो दीपिका पादुकोणको पहेँलो गाउन

बलिउड अभिनेत्री दीपिका पादुकोण छिट्टै आमा बन्दैछिन्। केही दिनअघि उनी ८२ इ नामको ब्यूटी ब्रान्डले आयोजित गरेको एक कार्यक्रममा पुगेकी थिइन्। जसमा उनले पहेँलो रंगको गाउन लगाएकी थिइन्।

भारतीय सञ्चारमाध्यम दैनिक जागरणका अनुसार दीपिकाले लगाएको गाउन नीलामी भएको छ। दीपिकाले आफ्नो इन्स्टाग्राममार्फत उक्त जानकारी दिदै लेखेकी छन्, ‘फ्रेश अफ द रक! यसमा कसको हात छ? च्यारिटीको लागि फ्रेश अफ द रकको पहलमा गाउन नीलामीको लागि राखिएको थियो।’

उनको यो गाउन ३४ हजार भारूमा बिक्री भएको छ। उनले यस गाउनको पैसा दानमा दिने बताएकी छन्।

दीपिका सेक्टेम्बरमा आमा बन्दैछिन्। उनी पछिल्लो समय ‘फाइटर’ मा देखिएकी थिइन्। अब उनी रोहित शेट्टीको फिल्म ‘सिंघम अगेन’ मा देखिनेछिन्।

यो फिल्मसँगै उनी दक्षिण भारतीय अभिनेता प्रभाससँग ‘कल्कि २८९८ एडी’ मा देखिनेछिन्। सेतोपाटी