![](https://www.loktantrakhabar.com/wp-content/uploads/2024/06/dang-jhadap_fbWNa9skIT.webp)
बुटवल । स्वर्गद्वारी गुठी पीडित किसानहरूले दाङको घोराहीस्थित मालपोत र नापी कार्यालयमा तालाबन्दी गरेका छन् । आइतबार आफ्ना माग पूरा नभएको भन्दै मोही पीडित किसानहरूले मालपोत र नापी कार्यालयमा तालाबन्दी गरेका हुन् ।
सरकारले पटक–पटक आफूहरूसँग सम्झौता गरेपनि कार्यान्वयन नगरेका कारण दबाबस्वरुप तालाबन्दी गर्नुपरेको गुठी पीडित किसान सङ्घर्ष समितिका अध्यक्ष प्रभु चौधरीले जानकारी दिए ।
मालपोत र नापी कार्यालयलाई आन्दोलनकारीहरूले घेरेपछि प्रहरीले अश्रुग्याँस समेत प्रहार गरेको छ। जिल्ला प्रहरी कार्यालय दाङका एसपी रामबहादुर केसीले १० राउन्ड अश्रुग्याँस प्रहार भएको राताेपाटीलाई बताए । अहिले स्थिति नियन्त्रणमा आइसकेको समेत उनले बताए ।रातोपाटी संवाददाता
प्रतिक्रिया दिनुहोस्: