अभिषेक बच्चनले किने १५ करोडको अपार्टमेन्ट

बलिउड अभिनेता अभिषेक बच्चनले नयाँ अपार्टमेन्ट किनेका छन्।

उनले मुम्बईमा ६ लग्जरी अपार्टमेन्ट किनेका हुन्। जसको मुल्य १५ करोड ४२ लाख भारू बताइएको छ।

भारतीय सञ्चारमाध्यम बलिउड तड्काका अनुसार अभिषेकले ओबेराय रियल्टीद्वारा ओबेराय स्काई सिटी प्रोजेक्टमा ६ अपार्टमेन्ट किनेका हुन्।

यो अपार्टमेन्ट कुल ४ हजार ८९४ स्क्वायर फुटमा फैलिएको छ। ६ अपार्टमेन्टमा दुई २५२ स्क्वायर फुटमा फैलिएको छ भने दुई ११०० स्क्वायर फुट र बाँकी १०९४ स्क्वायर फुटमा फैलिएको छ। यस अपार्टमेन्टमा १० वटा कार पार्किङ पनि छ।

अभिषेक छिट्टै शुजित सरकारको फिल्ममा देखिनेछन्। यो फिल्मपछि उनी कमेडी फिल्म ‘हाउसफुल ५’ मा देखिनेछन्। सेतोपाटी