![](https://www.loktantrakhabar.com/wp-content/uploads/2024/06/News-5-old-reason-for-putting-shoes-out-of-home-e1719570102277_NIW3pwfgma.jpg)
शास्त्रहरुमा घर व्यवहार सम्बन्धी थुप्रै प्रकारका नियम बताइएको छ । जसलाई पालना गर्दा शुभ फल प्राप्त हुन्छ भन्ने मान्यता छ । साथै कतिपय नियममा वैज्ञानिक कारण पनि लुकेका छन् ।
यस्तै नियममध्ये एउटा हो घर भित्र चप्पल वा जुत्ता नलगाउनु । घरभित्र कहिल्यै पनि बाहिरका जुत्ता चप्पल लग्नु हुँदैन भन्ने मान्यता छ । अहिलेको समयमा घरभित्र पनि जुत्ता लगाउने चलन छ । तर, पहिले घर तथा भान्सामा जुत्ताचप्पल लगाउन कडा निषेध थियो ।
धार्मिक कारण
धार्मिक शास्त्रअनुसार घरको आँगनमा ब्रह्माको बास हुने मान्यता छ । घरमा हामीले मन्दिर पनि राख्ने गर्दछौं जसले गर्दा जुत्ता/चप्पल लगाउनु हुँदैन । घरको दराजभित्र लक्ष्मीको बास हुने मान्यता छ । घरको आँगन वा छतमा तुलसीको मठ स्थापित गरिएको हुन्छ ।
यस्तै कारणले घरलाई देव स्थानका रुपमा समान गरिन्छ । त्यसैले घरमा जुत्ता/चप्पल लगाउनु हुँदैन । घरभित्र जुत्ता/चप्पल लगाउँदा वास्तु दोष हुने पनि मान्यता छ । जसले गर्दा माता लक्ष्मी रुष्ट हुन्छिन् र आर्थिक समस्या उत्पन्न हुन्छ ।
वैज्ञानिक कारण
बाहिरको जुत्ता/चप्पल घरभित्र लग्दा फोहोर पनि सँगै जान्छ । जसले गर्दा रोग निम्त्याउने ब्याक्टेरिया फैलन्छन् । नकारात्मकता भित्र जान्छ । घरको सरसफाई गर्ने समय बच्दछ । जुत्ता चप्पलले गर्दा कार्पेट तथा भुईं पनि खराब हुन्छ । यात्रा डेली