![](https://www.loktantrakhabar.com/wp-content/uploads/2024/07/News-3-homemade-remedies-for-tan-forehead_6Ed2eue4xy.jpg)
प्रदूषणबाट बच्न धेरै व्यक्तिले बाहिर घाममा निस्कँदा मास्क लगाउने गर्दछन् । जसले गर्दा अनुहार त केही भाग ढाकिन्छ तर, निधार भने खाली नै हुन्छ । जसका कारण अनुहारको अन्य भागभन्दा निधार कालो देखिन्छ । त्यसैले निधारको ट्यानिंग अर्थात् घामले जलेको कालोपन कम गर्न घरमै केही उपाय अपनाउन सकिन्छ ।
निधारको ट्यानिंगले गर्दा समस्यामा हुनुहुन्छ भने दुध र बेसारको पेस्ट बनाएर लगाउन सक्नुहुन्छ । एक चुट्की बेसारमा थोरै दूध राखेर पेस्ट बनाउने । त्यसलाई निधारको भागमा लगाउने र सुकेपछि धुनुहोस् ।
त्यस्तै, बेसनको पेस्ट लगाएर पनि ट्यानिंग हटाउन सकिन्छ । यसका लागि बेसनलाई दूध वा दहीमा मिसाएर पेस्ट बनाएर लगाउन सकिन्छ । छालामा निखार ल्याउन मेवा पनि एकदमै लाभदायक हुन्छ । मेवा र महको पेस्ट बनाएर जलेको भागमा लगाउन सकिन्छ ।
ओट्स खान जति फाइदाजनक छ लगाउँदा पनि प्रभावकारी हुन्छ । ओट्समा दही मिसाएर स्क्रब बनाएर मसाज गर्दै लगाउन सकिन्छ । हप्तामा एकपटक यसको प्रयोगले पनि फाइदा पुग्छ ।
ब्लीचिंग गुणले भरपूर कागती र महको मिश्रणले पनि निधारको ट्यानिंग कम गर्न सक्छ । एक चम्चा महमा कागतीको केही रस मिसाएर निधारमा लगाउनुहोस् निधार राम्रो हुनेछ ।
छाला एकदमै सुख्खा छ भने बदामको तेल पनि प्रयोग गर्न सकिन्छ । त्यसका लागि बदामको तेलमा दूध पाउडर र मह मिसाएर पेस्ट बनाउने निधारमा लगाएर २० मिनेटपछि धुने गरेमा फाइदा पुग्छ । यात्रा डेली