![](https://www.loktantrakhabar.com/wp-content/uploads/2024/07/nepal-rastra-bank-e1419653519337.jpg)
काठमाडौं साउन २, बैंकिङ प्रणालीमा अधिक तरलता भएपछि नेपाल राष्ट्र बैंकले ५० अर्ब रुपैयाँ तरलता खिच्ने भएको छ । बुधबार निक्षेप संकलन बोलकबोल मार्फत तरलता खिच्न लागेको हो ।
स्थायी निक्षेप सुविधा मार्फत निरन्तर तरलता खिचिरहेको केन्द्रीय बैंकले बुधबार निक्षेप संकलन बोलकबोल मार्फत ५० अर्ब रुपैयाँ तरलता बैंकिङ प्रणालीबाट खिच्दै छ ।
नेपाल राष्ट्र बैंकको १ साउनको तथ्यांक अनुसार बैंकिङ प्रणालीमा बढी भएको ३ खर्ब ७३ अर्ब तरलता खिचिएको छ । उक्त तरलता खिच्दा बैंकहरूले कायम गर्नुपर्ने ४ प्रतिशत अनिवार्य नगद मौज्दातको ३० प्रतिशत बैंकमा नै राख्न पाउने रकम समेत १ खर्ब रुपैयाँ अधिक तरलता छ ।
नेपाल राष्ट्र बैंकको ३० असारसम्मको तथ्यांक अनुसार बैंक तथा वित्तीय संस्थाको कुल निक्षेप ६४ खर्ब ८२अर्ब पुग्दा कुल कर्जा ५१ खर्ब ६० अर्ब पुगेको छ । बैंकहरुको कर्जा निक्षेप अनुपात (सीडी रेसियो) ७७.६१ प्रतिशतमा झरेको छ । यस्तै अन्तर बैंक ब्याजदर २.९३ प्रतिशत रहेको नेपाल राष्ट्र बैंकले जनाएको छ ।
बुधबार २१ दिन अवधिको लागि ५० अर्ब तरलता खिच्ने भएको हो । उक्त निक्षेप संलकन उपकरणको ब्याजदर बोलकबोलबाट तय हुनेछ । अनलाइन खबर