![](https://www.loktantrakhabar.com/wp-content/uploads/2024/07/Bad-News-Vicky-Kaushal.jpg)
काठमाडौं । विक्की कौशलको फिल्म ‘ब्याड न्युज’ हलमा रिलिज भइसकेको छ । यो फिल्मको चर्चा निर्माण सुरु भएदेखि नै भएको थियो । यसले बक्स अफिसमा कमाल पनि गरेको छ ।
‘ब्याड न्युज’ले विक्की कौशलका फ्यानलाई सुखद खबर दिएको छ । अभिनेताका लागि यो फिल्मको ओपनिङ राहतपूर्ण रह्यो । यो फिल्म अभिनेता कौशलको करिअरमा सबैभन्दा ठूलो ओपनिङ गर्ने फिल्म समेत बन्यो ।
यो फिल्मको ट्रेलरलाई दर्शकले रुचाएका थिए भने ‘तौबा तौबा’ गीत हिट छ । यो गीतमा विक्कीको ‘किलर मुभ्स’लाई कपी गर्दै सामाजिक सञ्जाल प्रयोगकर्ताले रिल्स र भिडियो बनाइरहेका छन् । जसकारण पनि फिल्मको ओपनिङमा मद्दत मिलेको ठानिएको छ ।
फिल्मले शुक्रबार भारतीय बक्स अफिसमा ८.६२ करोड भारुको ओपनिङ गरेको छ । ‘ब्याड न्युज’ विक्कीको करिअरमा धेरै ओपनिङ गर्ने पाँच फिल्ममध्ये शीर्षस्थानमा रहेको छ । यसअघि ‘उरी : द सर्जिकल स्ट्राइक’ले ८.२० करोड, ‘राजी’ले ७.५३ करोड भारु, ‘श्याम बहादुर’ले ६.५३ करोड भारु, ‘जरा हट्के जरा बचके’ले ५.४९ करोड भारु ओपनिङ गरेका थिए ।
विक्की मात्र होइन अभिनेत्री तृप्ति डिम्री’को लागि पनि ‘ब्याड न्युज’को यो कमाइ सुखद रह्यो । शीर्ष अभिनेत्रीको रुपमा यो उनको सबैभन्दा ठूलो ओपनिङ हो । अनलाइन खबर