भाँडसरबाट एसईई दिने विद्यार्थीहरूको लागि शुभकामना कार्यक्रम

लोकतन्त्र समाचारदाता—
सर्लाही,चैत्र ७
सर्लाहीको मलंगवा नगरपालिका वडा नं. ५, भाँडसरमा अवस्थित लाईफ लाईट कोचिङ सेन्टरले एसईई  मा सहभागी भएका विद्यार्थीहरूका लागि शुभकामना आदानप्रदान तथा फेरी भेटौंला कार्यक्रम सम्पन्न गरेको छ।
भाँडसर स्थित राजदेवी मन्दिरको प्रांगणमा सम्पन्न भएको उक्त कार्यक्रमको अध्यक्षता स्थानीय समाजसेवी डा. विशेश्वर महतोले गरेका थिए भने प्रमुख अतिथिका रूपमा राम गुलाम जनता मावि भाँडसरका प्रधानाध्यापक मनोज कुशवाहा उपस्थित भएका थिए।
कार्यक्रममा उपस्थित पूर्व वडा अध्यक्ष मनोज कुमार सहनी, पूर्व प्रधानाध्यापक रामविलास यादव, प्रधानाध्यापक राकेश बैठा, जयकृष्ण महतो, शिक्षक नागेन्द्र यादव, प्रधानाध्यापक उमेश पासवान, प्रधानाध्यापक गुणराज धमला, लेखापाल रामविश्वास यादव, शिक्षक रामविश्वास साह, शिक्षक रामविश्वास यादव, स.प्र.नि. राजेश प्रसाद यादव, युवा नेता मो. शमीम खान, शिक्षक सरोज कुशवाहा लगायतका विशिष्ट अतिथिहरुले विद्यार्थीहरूलाई परीक्षामा उत्कृष्ट नतिजा हासिल गर्न निरन्तर मेहनत गर्न प्रेरित गर्दै उनीहरूको उज्वल भविष्यका लागि शुभकामना व्यक्त गरेका थिए। एसईई मा सहभागी हुने विद्यार्थीहरूले पनि आ-आफ्नो अनुभव तथा भविष्यका लक्ष्यहरू साझा गर्दै सफलतापछि पुनः भेट्ने प्रतिबद्धता जनाएका थिए।
लाईफ लाईट कोचिङ सेन्टरका को-अर्डिनेटर कामेन्द्र महराले संचालन गरेको कार्यक्रममा विद्यार्थी तथा अभिभावकहरु लगायत स्थानीयहरुको उल्लेखनीय उपस्थिति रहेको थियो।