मलंगवाको ताज गेष्ठ हाउसमा भारतीय महिलाद्धारा पासो लगाई आत्महत्या

लोकतन्त्र समाचारदाता–
मलंगवा १३ चैत्र । सर्लाहीको सदरमुकाम वार्ड नं. ९ स्थित बालमंदिर चोकमा रहेको ताज गेष्ठ हाउसमा एकजना भारतीय महिलाले पासो लगाई आत्महत्या गरेको छ ।

भारतको राजधानी दिल्ली उतरईष्ट सुदामापुरी बस्ने प्रविण कुमारको २८ वर्षिय श्रीमती आरती कुमारीले बुधवार दिउसो १ देखि २ बजेको समयमा आत्महत्या गरेको हुन सक्ने प्रहरीको भनाई छ ।

आज बिहान १० बजेको समयमा खाना खाएर कोठा भित्र गएपछि धेरै समय कोठाबाट बाहिर नआएपछि साढे २ बजेको समयमा गेष्ठ हाउसका कर्मचारीले कोठाको छेउमा रहेको झयालबाट देख्दा महिलाले पासो लगाएको थाह पाएपछि प्रहरीलाई खबर गरेको थियो । प्रहरीले आउने बितिकै मृतक आरतीको बारेमा सोध गरेको छ ।

उक्त महिलालाई हरिवन नगरपालिका– ११ बस्ने मो. सेराज भन्ने व्यतिmले चैत्र ११ गते आफनो नाममा गेष्ठ हाउको कोठा नं. १०९ बुक गरि बस्दै आएको थियो । प्रहरीको भनाई अनुसार उक्त व्यतिm आज बिहान पनि मृतक महिला संग भेटेर गएको थियो ।

गेष्ठ हाउसका कर्मचारीले भने गत ३ दिन देखि सेराज भन्ने मान्छे मृतक महिला संग भेटन आउदै गरेको थियो । मृतक महिलाको सेराज भन्ने मान्छे संग के–कस्तो सम्बन्ध रहेको छ, यो कुरा अनुसंन्धान पछि मात्र थाह हुने प्रहरीको भनाई रहेको छ ।

मृतक महिलाले पासो लगाउनु भन्दा पुर्व एउटा कागजमा सुसाईट नोट पनि लेखेको कागज प्रहरीले फेला पारेको छ । शादी शुदा उक्त महिला दिल्लीबाट मलंगवा किन र कसरी आईन । मो. सेराज संग महिलाको कसतो सम्बन्ध रहेको छ । यो कुरा पछि मात्र थाह हुने प्रहरीले जनाएको छ ।