१ वर्षमा ६ वटा लोकसेवाको परिक्षामा नाम निकालेर सर्लाहीका मिश्रले रचे ईतिहास

बखतियार अलि–
सर्लाही २१ चैत्र । सर्लाहीका गोडैता नगरपालिका निवासी एकजना बिधार्थीले १ वर्षको अन्तरालमा लोक सेवाको लागि दिएको ६ वटा परिक्षा पास गरेर इतिहास बनाउन सफल भएको छ ।

जिल्ला अदालत सर्लाहीमा नायब सब्बाको रुपमा कार्यरत गोडैता नगरपालिका वार्ड नं. ८ बस्ने विनोद कुमार मिश्रको २१ वर्षिय छोरा विवेक मिश्रले आर्थिक वर्ष ०८१र०८२ मा लोक सेवाको ६ वटा परिक्षा दिएको थियो ।

मिश्रले दिएको लोक सेवाको ६ वटै परिक्षामा उनको नाम सिफारिस भएको हो । मिश्रले दिएको लोक सेवाको ६ वटै परिक्षामा नाम सिफारिस हुनु नेपाल भरिमा यो पहिलो घटना भएको मिश्रका गुरु तथा सफलता कोचिंग सेन्टरका प्रशिक्षक सुरेश प्रसाद दासले बताउनु भयो ।

विवेक मिश्रले पहिलो परिक्षा प्रदेश लोकसेवा कार्यालय गण्डकीमा दिएको थियो । जसमा चौथो तहमा उनको नाम सिफरिस भएको छ । त्यस्तै दोस्रो परिक्षा खाध संस्थामा दिएको हो । यसमा पनि चौथो तहमा नाम निकाल्न सफल भयो ।

यसै गरि तेस्रो परिक्षा लोक सेवा आयोगको कार्यालय जलेश्वरमा दिएकोमा डिठठा पदमा नाम सिफारिस भयो । चौंथो परिक्षा मिश्रले प्रदेश लोक सेवा कार्यालय बागमतीबाट दिएको थियो । जसमा पनि पाचौं तहमा उनको नाम सिफरिस भएर आयो ।

पाचौं परिक्षा उनले राष्ट्रिय अनुसंन्धानमा दिएको थियो । राष्ट्रिय अनुसंन्धानमा सहायक चौथोमा पास भयो । तेसै गरि छैठो परिक्षा मिश्रले नेपाल टेलिकममा दिएको छ । जसमा पनि खुला मधेशी कोटाबाट चौंथो तहमा नाम निकाल्न उनले सफल भयो ।

सफलता कोचिंग सेन्टरका संचालिका गीता आचार्यले मिश्रको प्रशंसा गर्दै भनिन एउटा मध्यम वर्गिय परिवारमा हुर्केका मिश्रको विलक्षण बुद्धि र परिश्रमबाट उनले यो सफलता पाउन सफल भएको छ । मिश्र जसता बिधार्थी लोक सेवा दिदै आएको अरु बिधार्थीहरुको लागि प्रेरणाको श्रोत समेत रहेको संचालिका आचार्यको कथन रहेको छ ।

सर्लाहीमा रहेका यसता प्रतिभावान बिधार्थीलाई राज्यले सम्मान गर्नुपर्ने संचालिका आचार्यको भनाई छ । गएको एक दशकको अन्तरालमा लोकसेवाको परिक्षामा यो पहिलो नजिर बनेको छ ।

जसमा सर्लाहीका कुनै बिधार्थीले १ वर्षमा दिएको ६ वटा लोक सेवाको परिक्षामा सबैमा नाम निकाल्न सफल हुनु आफैमा धेरै ठुलो कुरा हो ।

यसतो ईतिहांस बनाउन सफल बिधार्थी गोडैता नगरपालिकावासीको नाम, मानसम्मान नेपाल अधिराज्य भरिमा बढाएकोले हामिलाई विवेक मिश्र माथि गर्व रहेको गोडैता नगरपालिकाका प्रमुख देवेन्द्र यादवले खुसि हुदै बताउनु भयो । पालिकाले यसता बिधार्थीलाई सम्मान गर्ने प्रमुख यादवको भनाई छ ।