मलंगवाबाट २८ लाख बराबरको पटका बरामद

लोकतन्त्र समाचारदाता–
सर्लाही १३ भाद्र । सशस्त्र प्रहरी बल नेपाल १० नम्बर गण हेड क्वाटर सलेम्पुरबाट खटि गएको प्रहरी टोलीले २८ लाख बराबरको पटका बरामद गरेको जनाएको छ ।

मलंगवा वार्ड नं.४ गणेशियाबाट २७ लाख ७७ हजार ५ सय ५२ रुपैया बराबरको पटका बरामद भएको प्रहरीले जनाएको छ ।

हेड क्वाटर सलेम्पुरबाट खटि गएको प्रहरी टोलीले गणेशिया चौरको चिम्नी नजिक रहेको २ कोठे टिनको टहराबाट उक्त परिमाणका पटका बेवारिसे अवस्थामा फेला परेको सशस्त्र प्रहरी बल नेपाल १० नम्बर गण हेड क्वाटर सलेम्पुरले लोकतन्त्रलाई जनाएको छ ।

यस सम्बन्धमा विशेष अनुसंन्धान भईरहेको बताईएको छ ।