६५ वर्षको उमेरमा सञ्जय दत्तले गरे चौथो पटक बिहे

बलिउड अभिनेता सञ्जय दत्तले फेरि विवाह गरेका छन् । अनलाइनमा एउटा नयाँ भिडियो सार्वजनिक भएको छ, जसमा अभिनेता विवाहजस्तै समारोहमा हात बाँधेर विवाहको अनुष्ठान गरिरहेको देखिन्छन् ।

अभिनेताले आफ्नी पत्नी मान्यता दत्तसँग बिहेका वचन दोहोर्‍याइरहेका थिए । दुवैको विवाह भएको १६ वर्ष भइसकेको छ ।

अनलाइन शेयर गरिएको भिडियोमा सञ्जयले सुन्तला रङको कुर्ता र धोती लगाएका छन् । मान्यताले क्रिम रङको जोडा लगाएकी छिन् । रिपोर्टका अनुसार सञ्जय र मान्यताले गृह प्रवेशमा सात फेरा लिएका थिए । दत्त दम्पतीले हालै आफ्नो घर मर्मत गराएर सरेका थिए ।